Удмурт кун университэтлэн удмурт филологи факультетаз 2003 арын Неофолк студия ужаны кутскиз. Cтудие вeтлücьёс трикотаж дüськут кертто-куо но сое чеберман арбериос лэсьто-бичало. Та иворез кылыса, йырын соку ик куинь юан кылдэ:
  1. малы сыч:е нимыз - Неофолк?
  2. малы удмурт факультетын?
  3. малы дüськут кылдытонэн выро филологъёс?
Мар бен, ваньзэ радызъя валэктыны тыршом. НЕОФОЛК - туала модаысь одüгез валтüсь удыс. Азинтэ та ужез одüг тодмо малпан: ваньмызлэсь пöртэм но чебер луыны потон но быгатон. Винтаж, кантри но этно амалъёсты уже кутыса, студüе ветлüсьёс выль ужъёссэс дасяло.
     Мар со винтаж? Вашкала, вунэтэм дüсьёс, кудъёссэ азьвыл нуллüзы, нош али вунэтüзы, со ортчем дырлэн пусъёсыз. Пусъёсъя кылдэ стüль,
нош стиль - туала модалэн инмарез.
     Кантри - со огшоры, гуртын нуллоно дüсь котыръёс, соос костюмлы лякыт но музъемлы матын луись вылтус сёто.
     Этно - со дауръёсын кылем пусъёс, пужыос, шортъёс, кудъёсыз али туж дуно но матын.
     Ваньмыз та куинь амальъёс инкуазьлы матын. Соин ик НЕОФОЛК студиын уже куто ыжгон, етüн шортэз, со сяна - буртчинэз но хлопокез. Дüсез чебермало бисерен, куэн но пу арбериосын.
     Кыкетü юанлы валэктонэз удмурт этносысь утчано луомы, дыр. Финн-угор выжыысь потэм öжыт лыдъем удмурт калык, мукет нациосын чошатыса, лулчеберет дуннеяз трос вашкала сямъёсты но йылолъёсты утем. Удмурт калык творчествоез удмурт филологи факультэтын дышето кырзанъёс, мадёнъёс, веранъёс пыр. Нош киуж, чеберман арбериос, одüг кылын вераса, - материальной сöзнет, лул сöзнэтлэсь палэнэ кыле. Соин ик студиями азяз таче ужпум пуктэ: ас калыкедлэсь, анай-атайедлэсь куиськон, керттüськон, пужъятскон амалъёссэс одно ик азинтоно. Базар дüськут но туала мода медам быдтэ вылэм земос чеберез но дунлыкез. удмурт этносэз сяна, студия озьы ик дась эскерыны мукет йöскалыкъёслэсь дüсяськон сямъёссэс. Али студентъёс "Такъя" коллекция бордын тыршо.
     Табере куинетü юанлы валэктон. Малы та ужен выро студентъёс-филологъёс? Соос зэмос öнерчиос öвöл ук. Соиз озьы, та ужен студентъёс мылпотэмзыя выро, асьсэды вашкал стилез валаса дüсяны дышетско, ас мылкыдзэс, тусбуйзэс усьто-утчало.
     Озьы ке но, азьланяз студия школаосын ужась "Быгатüсь киос" выллем кружоклы медам пöрмы вылэм. Студие ветлüсьёс Ижкарын радъям кöня ке адз:ытонъёссы но пыриськылüзы ни. Гуртын будэм егит нылъёслы туж но туж кулэ пöртэм дизайнэн но вуриськон амальъёсын тодматскон. Соин ик ми оскиськом, калык дэрем нош ик выльдüськоз но улонэ етüз вамыштоз.



 

ГОУ ВПО "Удмуртский государственный университет"
УР Ижевск Университетская 1 Факультет удмуртской филологии
тел. 75-59-20 e-mail:neofolk@udm.ru

Hosted by uCoz